Një seancë maratonike ka qenë dje në Gjykatë të Apelit, ku kryetari i Skenderajt dhe ish-komandanti i UÇK-së për Zonën e Drenicës, Sami Lushtaku ka kërkuar drejtësi.
Ai ka folur para trupit gjykues, duke argumentuar të metat e aktgjykimit të shkallës së parë, që e ka dënuar me 12 vjet burgim, të cilin Lushtaku e ka quajtur turp të Gjykatës Themelore.
Anulim të aktgjykimit ka kërkuar edhe mbrojtja e Sylejman Selimit, i dënuar me 6 vjet burgim për krime lufte.
Por gjendja në të cilën është parë salla e gjykimeve pas seancës së sotme është e tmerrshme.
Dhjetëra shishe plastike janë parë gjithandej sallës.
