Arqile Todhi nga Përmeti ka zgjedhur të mbaj ekonominë e familjes me anë të mbledhjes së bimëve medicinale.
Ka mbi 40 vite ne kërkim të bimëve të ndryshme dhe bën mbi 5 orë rrugë që të arrij në majat e maleve.
Nga biseda me të kupton që ky lloj aktiviteti nuk është vetëm për përfitim ekonomik por, për të është edhe një lloj kënaqësie dhe përmbushje.
59-vjeçari tregon se në çdo stinë mbledh lloje të ndryshme çajrash dhe bimësh medicinale .
Todhi shprehet se interesi për bimët dhe çajrat që ai mbledh ka ardhur duku u rritur 5-6 vitet e fundit. Por fitimi nga kjo punë tepër e lodhshme, është minimal. ”Me të huajt bëhët më shumë punë, me të vendit më e vështirë, duhet t’i kërkosh blerësit”.
Pikat e grumbullimit i marrin me çmim tepër të ulët çka e detyron Arqilenë të dalë e t’i shesë vetë bimët kurative që ai mbledh.
Shpesh herë në lartësinë e maleve i është dashur të përballet me sfida dhe rreziqe.”Të ha gjarpri, të godet rrufeja, të del ndonjë kafshë e egër”.
Arqile Todhi me anë mbledhjes së bimëve kurative në malet e Dhëmbëlit, Nemëçkës, Postenanit ka arritur të investojë edhe në shkollimin e dy fëmijëve të tij dhe për këtë fakt, ai sot ndihet mjaft krenar.
