Në Kataloni, një provincë autonome me 7.5 milionë banorë në Spanjën verilindore, të paktën 25 për qind e shkollimit do të bëhet në gjuhën spanjolle, vendosi një gjykatë të martën.
Qeveria katalanase mbron pavarësinë e Katalonisë dhe dëshiron që shkollat fillore dhe të mesme të mësohen ekskluzivisht në gjuhën katalanase, gjë që u refuzua nga Gjykata e Lartë, duke urdhëruar që të paktën 25 për qind e mësimeve të mbahen në spanjisht, raportojnë mediat spanjolle.
Qeveria katalanase apeloi vendimin, por Gjykata e Lartë spanjolle e la në fuqi vendimin. “Është ndërhyrje në punët tona të brendshme dhe mungesë respekti për sistemin tonë arsimor”, tha kryeministri katalanas, Pere Aragones në Barcelonë.
Katalonia ka statusin e një krahine autonome me qeverinë, parlamentin dhe policinë e saj që nga viti 1978, ndërsa qeveria spanjolle menaxhon politikën e jashtme, të mbrojtjes dhe fiskale.
Të dyja, spanjishtja dhe katalanishtja janë gjuhët zyrtare të Katalonisë. /Telegrafi/