Fëmijëria traumatike e Paris Hilton është edhe më e errët se ajo që ka ndarë publikisht më parë.
Në një intervistë të re me revistën “Glamour”, ylli i famshëm zbuloi se takimi i saj i parë seksual ndodhi në moshën 15-vjeçare.
Hilton, tani 42 vjeçe, pohoi se dhunuesi i saj ishte një burrë i moshuar që ajo takoi në një qendër tregtare në Kaliforni, i cili dyshohet se i futi diçka në pije dhe përfitoi nga ajo.
Në atë kohë, Hilton jetonte me gjyshen e saj nga nëna në Palm Springs. Ajo i tha mediumit se do të vizitonte Los Angelesin për të parë miqtë e saj dhe për të kaluar kohë në qendrën tregtare ‘Westfield Century City’.
Ajo vuri në dukje se “djemtë më të vjetër rrinin gjithmonë nëpër dyqane” dhe se ajo dhe miqtë e saj “flisnin me ta” dhe “u jepnin atyre numrat e telefonit”.
Një ditë, grupi i këtyre meshkujve “ftoi Hilton dhe miket e saj” në shtëpinë e tyre, ku të miturve dyshohet se u dhanë alkool për të pirë.
Hilton – e cila “nuk pinte në atë kohë” – kujtoi se një nga djemtë që ishte veçanërisht i fuqishëm për ta detyruar atë të konsumonte pijen e saj.
“Kur piva ndoshta një ose dy gllënjka, menjëherë fillova të ndihesha e trullosur dhe e mërzitur”, pohoi ajo. “Nuk e di se çfarë ka futur atje; Unë po supozoj se ishte një lloj i drogës”.
Nëna e re tha se kishte humbur mendjen dhe u zgjua disa orë më vonë, duke e ditur se diçka kishte ndodhur.
“Isha vetëm një vajzë e vogël. Thjesht ndihem sikur më vodhën fëmijërinë”, tha ajo tutje.
Hilton zbuloi gjithashtu se kishte një abort në fillim të të 20-tave, diçka për të cilën “nuk donte të fliste sepse kishte shumë turp rreth kësaj” në atë kohë. /Telegrafi/