Në Gjilan aktualisht janë 581 raste aktive me COVID-19, ndërsa janë hospitalizuar 63 pacientë.
Sipas një njoftimi për media, kjo u bë e ditur në mbledhjen e mbajtur sot të Komitetit të Gjilanit për menaxhimin dhe parandalimin e përhapjes së COVID-19, nën udhëheqjen e nënkryetarit, Arbër Ismajli.
Në takim u tha se nga 6.132 testime, 2.261 janë të infektuar në total, dhe 1.615 persona janë të shëruar nga COVID-19.
“Në këtë takim u bë e ditur se Gjilani ka aktualisht 581 raste aktive me COVID-19, derisa apelohen qytetarët që t’i respktojnë masat kundër përhapjes së virusit. Gjendja e përgjithshme në komunën e Gjilanit sa i përket përballjes me virusin COVID-19 është si vijon: Nga 6132 testime, 2261 të infektuar në total, 1615 të shëruar, 581 raste aktive, 63 të hospitalizuar dhe 185 mostra në pritje të rezultatit”, thuhet në një njoftim për media. /Telegrafi/