James Bondi do ta vozisë një veturë elektrike në filmin e ardhshëm, në mënyrë që ta bëjë karakterin më dashamirës ndaj ambientit.
Regjisori Cary Joji Fukunaga dëshiron që Daniel Craig të drejtojë një model të limituar të Aston Martinit që kushton 250.000 funte (295.000 euro) – njofton The Sun.
Modeli Rapide E është automjeti i parë elektrik i kompanisë britanike, ndërsa në gjithë botën ekzistojnë vetëm 155 vetura të këtij lloji.
Vendimi për të vozitur një automjet me zero-emetim gazrash është një kalim i madh nga Aston Martini me karburant që është vozitur për herë të parë nga Sean Connery në “Goldfinger”, patra më shumë se gjysmë shekulli.
Fukunaga është duke punuar ngushtë me kompaninë automobilistike, në mënyrë që të sigurojë një veturë, e cila do të dalë bukur në ekranet e mëdha. /Telegrafi/
