Kosova dhe Bullgaria do të përballen me njëra tjetrën në Fadil Vokrri.
Për Përfaqësuesen e Kosovës do të jetë ndeshja e parë në kualifikimet e Euro 2020, ndërsa bullgarët do ta luajnë ndeshjen e dytë këtë vit.
Stadiumi Fadil Vokrri pritet të jetë i stërmbushur, pasi tanimë të gjitha biletat janë shitur.
Në kryeqytet na pret një atmosferë e jashtëzakonshme, por edhe mysafirët do të kenë tifozë në Prishtinë.
Kombëtarja e Bullgarisë në këtë takim do të ketë përkrahjen e 221 tifozëve. Ndërsa 13,279 tifozë do të jenë vendas në këtë sfidë.
Kosova dhe Bullgaria do të përballen sonte me fillim nga ora 20:45. /Telegrafi/
