Në temperaturat e ulëta të mëngjesit, mbi gjashtëmijë persona janë zhveshur dhe janë fotografuar në sheshin kryesor në Bogota të Kolumbisë.
Spenser Tunick, i njohur për bindjen e turmave që të zhvishen për të pozuar në emër të paqes, ka arritur që të mbledhë këtë numër enorm për projektin e tij të radhës, transmeton Telegrafi.
Me anë të këtij instalimi – më i madhi i këtij lloji në gjashtë vitet e fundit – është bërë pasi qeveria i ka prishur marrëdhëniet paqësore, me rebelët majtistë të Revolucionit të Forcave të Armatosura të Kolumbisë.
“Është një përzierje e tonaliteteve të lëkurave, etnive, dhe njerëzve nga vende të ndryshme”, ka thënë Tunick, lidhur me këtë protestë artistike që ka si bazë paqen dhe tolerancën.
“Jemi të lumtur që jemi të zhveshur dhe të qetë. Ky është moment i paqes dhe qetësisë, që të gjithë po e përjetojmë. Është po ashtu një moment i unitetit, për të çrrënjosur paragjykimet”, ka thënë një 40-vjeçare, pjesëmarrëse në instalim. /Telegrafi/