Një tjetër krim në familje trondit opinionin publik. Adriatik Kuka vrau me thikë në zemër gruan e tij Hazbijen në banesën e tyre në zonën e Spitallës në Durrës.
Nga të dhënat paraprake dyshohet se ngjarja ka motivet e xhelozisë. Të njëjtat burime thanë se krimi ndodhi në sy të djalit 8-vjeçar të çiftit.
36-vjeçarja është dërguar në spital nga vëllai i saj, por edhe pas ndërhyrjes së mjekëve ajo nuk ka mundur t’i mbijetojë plagëve të marra. Autori është larguar nga banesa me një makinë dhe policia është në kërkim të tij. Daja i autorit zbuloi për gazetarët se çifti kishte konflikte për shkaqe xhelozie.
“Na turpëroi zonën. Që kur ka hyrë në punë, bëheshe xheloz, por nëse bëhesh xheloz,ndaje. Kishin një djalë. Ajo ishte shumë çupë e mirë. Ai ishte në punë, punonte shofer i një drejtori të OSHEE nuk e di në Durrës në Tiranë. Nuk kishte probleme ekonomike. Një djalë kanë 8- vjeçar. Korça nuk e ka në traditë të bëjë krime të tilla”, – thotë daja i autorit. /lapsi.al/