Dokufest ka hyrë në fazën finale të edicionit të sivjetmë të shfaqjes së filmave të ndryshëm.
Festivali më i madh në Kosovës për filma të metrazhit të shkurtër dhe dokumentar po mbahet me sukses në qytetin e Prizrenit, ku dje ishin prezent si shikues edhe presidenti i Shqipërisë, Ilir Meta si dhe ish-kapiteni i kombëtares shqiptare, Lorik Cana.
Gjatë mbrëmjes së kaluar është shfaqur filmi “Triumfi” me regji të të Kreshnik Jonuzit, Luftar Von Ramës dhe Charlie Askew.
Ky film ndjek rrugëtimin e ekipit kombëtar shqiptar, nga ndeshja e famshme në Beograd deri në paraqitjen e tyre të parë në Kampionatin Evropian.
Ndër protagonistët e filmit janë Ballist Morina, i cili ngriti me dron një flamur të Shqipërisë Natyrale midis stadiumit të Partizanit gjatë ndeshjes mes Shqipërisë dhe Serbisë.
Gjithashtu edhe Lorik Canën mund ta shohim në film ndërsa ishte edhe në shfaqjen e filmit në projektorët e Prizrenit.
Madje, Cana nuk ka refuzuar asnjë fans që ka kërkuar të fotografohet në krah të tij në mënyrë që ta kem një kujtim të bukur.
Paraprakisht, vlen të theksohet se 35-vjeçari ishte takuar me të parin e Komunës së Prizrenit, Mytaher Haskuka, ku kanë biseduar rreth projekteve të ndryshme sportive që mund të implementohen në këtë qytet.
Vlen të theksohet në fund, por jo për nga rëndësia, se pjesë e shikuesve të filmit edhe përfaqësuesit institucional nga Kosova. /Telegrafi/
