Në ditën e parë të fushatës së tij për zgjedhjet e vitit 2020, Donald Trump premtoi të shërojë kancerin, të “fshijë” SIDA-n dhe të vendosë një amerikan në Mars.
Sipas mediave të huaja, përcjell Telegrafi, presidenti Donald Trump zyrtarisht filloi fushatën e tij për zgjedhjet presidenciale të vitit 2020 në tubimin në Orlando, Florida, të martën me një seri premtimesh ekstravagante në një stadium të mbushur me përkrahës.
Ai u tha përkrahësve se do të shkojnë përpara me sfidat e reja mjekësore, duke përfshirë kancerin.
“Ne do ta zhdukim AIDS-in në Amerikë njëherë e përgjithmonë, dhe ne jemi shumë afër. Ne do të hedhim themelet për uljen e astronautëve amerikanë në sipërfaqen e Marsit”.
Election promises by Trump: "Cure for #cancer, eradication of #AIDS and landing humans on #Mars"
pic.twitter.com/svnJDTaeWu— Amichai Stein (@AmichaiStein1) June 19, 2019
Pjesa më e madhe e fjalimit të Trump në stadiumin me kapacitet prej 20,000 vetash ishte e përkushtuar për të sulmuar armiqtë e njohur, përfshirë Hilary Clinton, demokratët dhe mediat “lajme të rreme”.
“Me çdo fuqi të zemrës, djersës dhe shpirtit, ne do të vazhdojmë të bëjmë Amerikën përsëri të madhe dhe pastaj do ta mbajmë Amerikën më të madhe”, vazhdoi ai.
“Dhe kjo është arsyeja pse sonte, unë qëndroj para jush për të nisur zyrtarisht fushatën time për një mandat të dytë si president i Shteteve të Bashkuara”. /Telegrafi/