Këtë të diel do të ndeshen ekipi i reperëve Getinjo, Kida, Fuego kundër Hekuran Krasniqit, Muhamed Arifit dhe Florentina Ademit.
Pritet të zhvillohet një garë shumë e nxehtë pasi që gjithmonë në çerekfinale rritet dëshira për të arritur në finale, rritet emocioni, vullneti, inati, kënaqësia e garës dhe motivi se kush do ta fitojë këtë garë do të shkojë në gjysmëfinale.
Këtë të diele pritet një show i madh edhe për faktin se tani “Super Sfida” ka kaluar me studio në një objekt shumë gjigant, ku do të përdoren shumë studio ku mund të realizohen lojëra spektakolare dhe atraktive.
Kështu ky show vazhdon të mbetet si show më i pëlqyer nga publiku pasi që çdo herë sjellë ndryshime në lojëra, skenografi dhe mysafirë.
Producenti dhe moderatori Enis Ujkani ka publikuar se ka hapur qendrën e mediave ku në fokus ka ngritjen e cilësisë së programeve, tani secili që ka ndonjë ide interesante për ndonjë emision apo show atraktiv, mundësinë e ka që direkt ta realizojë një episod dhe pastaj të i ofrojë të gjitha televizioneve programin e përfunduar, kjo një mundësi që për herë të parë mundësohet në vendin tonë, dhe përmes këtij modeli mund të zhvillohen shumë televizionet tona dhe të pasurohen skemat programore sepse një mundësi të tillë nuk e ka asnjë television te ne. /Telegrafi/
