Në të do të ekspozohen me mijëra artefakte të arit, midis të cilëve edhe copë që opinioni kurrë nuk ka pasur mundësi t’i shikojë.
Në pronësi të muzeut është koleksioni më i rëndësishëm botëror i sendeve të arit që datojnë nga periudha ndërmjet vitit 500 para epokës sonë dhe shekullit të XVI-të.
“Në këtë muze tani ka 1.749 sende më shumë se sa muzeu i vjetër. E rikonstruktuam pasi konstatuam se në lokalet e vjetra nuk kishte vend të mjaftueshëm për disa sende të rëndësishme", tha Hoze Dario Uribe, shef i Bankës Qendrore të Kolumbisë.
Ekspozita është edhe dëshmi për historinë e hershme të Kolumbisë të treguar përmes sendeve që kanë një vlerë të paçmueshme e që kanë të punuara nga popujt autokton, të cilët jetonin në rajonin e El Dorados para ardhjes së evropianëve.
Për ta ari ishte i shenjtë, kështu që momentet më të rëndësishme të jetës së tyre i përjetonin përmes sendeve të arit. Punimet më reprezentative prej tyre do të ekspozohen përgjithmonë në muze, ndërsa të tjerët kohë pas kohë do të ndërrohen.
Muzeun e arit për herë të parë e hapi Banka Qendrore e Kolumbisë në vitin 1930 në shenjë kujtimi për popujt që dikur kanë jetuar në këtë rajon. /Alsat-M/