Burimet brenda Bordit kanë thënë se gjatë mbledhjes së 21-të, anëtarët e Bordit janë njoftuar për zhvillimet e fundit rreth hotelit “Grand”. Ata janë njoftuar se një bankë i ka ofruar Grandit kredinë, të nevojshme për kryerjen e investimeve.
Ditë më parë edhe vetë blerësi i hotelit “Grand”, Zylqef Berisha, i pati thënë Kohës Ditore se është në përfundim të negociatave me një bankë të jashtme për përkrahjen financiare, përkatësisht sigurimin e dokumentit për përkrahjen financiare.
“Emri i bankës do të jetë konfidencial deri në finalizimin e marrëveshjes”, pati thënë ai.