Gjatë 24 orëve të fundit në Kroaci janë regjistruar 524 raste të reja me COVID-19, si dhe një 10 tjerë që kanë humbur jetën, ka bërë të ditur Shtabi Kombëtar i Mbrojtjes Civile.
Numri i rasteve aktive në Kroaci sot është 2744, e në mesin e tyre janë 633 pacientë të hospitalizuar, ku 15 janë në respiratorë. Në vetëizolim aktualisht janë 1732 persona, transmeton Telegrafi.
Nga fillimi i pandemisë, në total janë regjistruar 1.260.293 persona të infektuar me coronavirus në Kroaci, nga të cilët 17.483 humbën jetën.
Në total janë shëruar 1.240.066 persona, nga të cilët 142 të shëruar janë konfirmuar vetëm gjatë 24 orëve të fundit.
Deri më sot janë testuar 5.406.483 persona, nga të cilët 2738 në 24 orëshin e fundit. /Telegrafi/