Njëqind vite më parë, në fshatin Gurbardh, kishte ndodhur një prej masakrave më të mëdha të asaj kohe, ku forcat serbo-malazeze, kishin vrarë 22 banorë të fshatit.
Dhe sipas një njoftimi, në kujtim të kësaj masakre dhe në kujtim të të vrarëve, sot kanë filluar punimet për rregullimin e varrezave të martirëve, të vrarë në këtë masakër.
Në fillimin e punimeve për rregullimin e këtyre varreza morën pjesë edhe kryetari Komunës së Malishevës, Ragip Begaj, nënkryetari Hajdin Berisha dhe drejtori i Inspektoratit, Dibran Kastrati, të cilët janë pritur nga kryetari i fshatit Gurbardh, Bashkim Berisha dhe mësuesi Haxhi Berisha.
Këta të fundit e kanë falënderuar komunën për realizimin e këtij projekti, për rregullimin e varrezave.
Projekti për rregullimin e varrezave të 22 të vrarëve në masakrën e Gurbardhit, të vrarë njëqind vite më parë, financohet nga Komuna e Malishevës. /Telegrafi/