Bordi i Transparencës në Shqipëri ka publikuar këtë të premte vendimin e marrë në lidhje me çmimin e tregtimit të karburanteve në vend.
Çmimi i shitjes me pakicë për naftën do të jetë 174 lekë [1.55 euro] për litër.
Çmimi në pompë shënon një ulje me 3 lekë për litër nga çmimi i vendosur du ditë më parë nga Bordi i Transparencës.
Çmimi i shitjes me pakicë i benzinës do të jetë 177 lekë/litri, duke shënuar një ulje me 1 lek për litër.
Ndërkohë që çmimi i shitjes me pakicë i gazit do të jetë 66 lekë/litri duke shënuar një rënie me 9 lekë për litër.
Çmimi i gazoilit për peshkim është vendosur 81 lekë/litër.
Bordi bën me dije se çmimet e reja do të hyjnë në fuqi në datë 28 prill, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. /Telegrafi/