Sipas ekspertëve të këtij komisioni ky ligj ka defekte dhe nuk shërben në të mirë të vendit. Ndërkaq,ekspertët e ekonomisë, vlerësojnë se kërkesat e KE-së duhet të merren seriozisht, duke pasur parasysh objektivat integruese të Kosovës.
Në MEF, thonë se kanë pranuar kërkesat dhe sugjerimet, por se këto ndryshime, ende nuk kanë filluar të bëhen. Lorik Fejzullahu, nga njësia për Partneritet Publiko Privat tha se në të ardhmen pritet që këto ndryshime të bëhen, dhe në këtë fazë planifikojnë që të gjitha brengat e KE-së ti adresojnë përmes legjislacionit sekondar.
“Ne i kemi pranuar të gjitha kërkesat dhe sugjerimet nga KE-ja dhe jemi duke shqyrtuar mundësitë më të mira dhe praktike të mundshme për akomodimin e sugjerimeve të KE-së. Me shumicën e sugjerimeve të cilat i ka ngritur komisioni mund të kompletohet ligji i PPP-së përmes draftimit dhe aprovimit të legjislacionit dytësor”, tha Fejzullahu.
Drejtori i hulumtimeve në Institutin’Riinvest”, Lumir Abdigjiku, tha se kërkesat e KE-së duhet të merren seriozisht, pasi qw nuk ka zgjidhje tjetër përveç partneritet të plotë sa i përket unifikimit të ligjeve konform kornizës ligjore të BE-së. PPP është njëra ndër alternativat më të mira të zhvillimit ekonomik të Kosovës. /Lajm/Telegrafi/