Njerëzit kanë vërejtur që Simon Cowell po duket pak më ndryshe këto ditë.
Anëtari i “America’s Got Talent”, së fundmi ka prezantuar figurën e tij të transformuar gjatë një mbrëmjeje në Hollywood, pasi humbi dhjetë kilogramë.
Ai i tha “Access Hollywood” këtë javë se ndryshimi i dietës ka qenë i mirë për të.
“Kujtesa ime është më e mirë, ndihem më mirë, kështu që nuk e kam pasur të vështirë. Unë ende mund të pi birrë dhe për këtë jam i lumtur”, ka thënë ai.
Interneti ka vërejtur ndryshimin dhe ka disa përshkrime për të:
“Fytyra e re e Simon Cowell duket si një kukull të cilën e lini në diell për një kohë të gjatë dhe ajo fillon të shkrihet”.
Natyrisht disa njerëz besojnë se fytyra e Cowell mund të ketë pësuar kohët e fundit disa përmirësime kirurgjikale, që ai nuk e ka thënë fare.
Ajo që tha 59-vjeçari është se ai jo vetëm që ndihet më mirë, por mendon se duket më mirë.
“Nëse do të isha në një renditje një deri në dhjetë për bukuri, unë isha tetë dhe tani kam shkuar në njëmbëdhjetë”, raportohet të ketë thënë ai për The Sun në fillim të këtij viti. /Telegrafi/
