Zëvendëskryeministër i parë dhe Ministër për Sistem Politik dhe Marrëdhënie Ndërmjet Bashkësive – Artan Grubi në deklaratën e tij të fundit për media ka kërkuar nga partitë politike dhe deputetët mbështetje për votimin e ndryshimeve kushtetuese, si pengesa e vetme në rrugën drejt Bashkimit Evropian (BE).
“Shpresojë se të gjithë të kyçurit në këtë proces do ta kapërcejnë veten dhe agjendat e tyre për politika ditore, veçanërisht deputetët në Parlament dhe do ta mbështesin procesin e Maqedonisë europiane. Vetëm kjo është e vetmja rrugë për zhvillimin ekonomik dhe afrimin e standardeve tona me standardet europiane. Posaçërisht u bëj thirrje të gjithë deputetëve dhe gjitha partive politike parlamentare që sa më parë të ofrojnë mbështetje për një Maqedoni europiane”, nënvizoi Grubi, përcjell PRESSonline.al