Pak ditë pas zgjedhjeve parlamentare të 25 prillit, kryeministri Edi Rama ka bërë disa lëvizje në kabinetin qeveritar.
Në vendimet e fundit të Këshillit të Ministrave, janë miratuar emërimi i Bora Muzhaqi si zv.ministre e Arsimit dhe Dallandyshe Bici është emëruar zv.ministre e Mbrojtjes.
Si znj. Muzhaqi (e renditur në vend të 31) dhe znj. Bici (vendi 22 në listë) ishin kandaditate për deputete në Qarkun e Tiranës, të cilët nuk u shpallën fituese. Znj. Bici arriti të merrte 5013 vota ndërsa znj. Muzhaqi 1069 vota.
Bora Muzhaqi gjatë zgjedhjeve mbajti detyrën e zëdhënëses së PS-së për fushatën, ndërsa Dallandyshe Bici ka mbajtur postin e kryeinspektores në Inspektoriatin Kombëtar të Mbrojtjes së Territorit.
Ndërkohë në vendimet e sotme që mbajnë firmën e zv.kryeministrit, Erion Braçe pasi kryeministri Rama ndodhet për vizitë në Itali, është liruar nga detyra Aspasjana Kongo, e cila mbante postin e zv.ministres së Arsimit.
