Ngjarjet të cilat kanë ndodhura gjatë ndeshjes futbollistike në mes Shqipërisë dhe Serbisë, përveç që e kanë nxitur një dashuri edhe emocion ndaj simboleve kombëtare, në mesin e shqiptarëve, ato kanë sensibilizuar edhe fushata të cilat kanë karakter ekonomik.
Barkodi “Blej Shqip”, është njëra nga fushatat e cila është duke qarkulluar me të madhe nëpër rrjetet sociale. Ideator i kësaj është, Fisnik Ismaili, njëherësh deputet i Lëvizjes Vetëvendosje (VV), ka theksuar se kjo është vetëm një vazhdimësi e fushatave të mëhershme të VV-së, përmes të cilave synohet që të rritet sa më shumë konsumimi i produktet vendore.
“Momente të tilla (pas ndeshjes në mes Shqipërisë dhe Serbisë), janë mundësi e mirë që t’i shtyjmë përpara këto lloj fushatash, e të cilat kanë karakter të të mirës dhe të përbashkët shoqërore”, ka thënë Ismaili për Telegrafin./Telegrafi/