Tifozët e Arsenalit festuan në mënyrë sarkastike golin e mesfushorit Rodri për Manchester Cityn në humbjen e thellë 5-0 të Arsenalit në pasditen e së shtunës.
Topçinjtë u rrëzuan keq në ndeshjen derbi ndaj Cityt e vlefshme për javën e tretë të Ligës Premier duke humbur me rezultat 5-0.
Ilkay Gundogan (7’), Ferran Torres (12’, 84’), Gabriel Jesus (43’) dhe Rodri (53’) ishin shënuesit e fitores së thellë të ekipit të Pep Guardiolas.
Por, kjo nuk ishte e tëra pasi në këtë ndeshje ndodhi diçka e pazakontë në stadiumet e futbollit.
Tifozët e Arsenalit ‘vodhën’ shfaqjen duke festuar golin e katërt të Cityt në ndeshjen ndaj tyre.
Goli i shënuar nga Rodri bëri që tifozët e Arsenalit në festojnë në mënyrë sarkastike, sikurse goli të ishte shënuar nga ekipi i tyre.
Kjo bërë që mediat sociale të shpërthejnë me postime rreth këtij rasti. /Telegrafi/
Arsenal fans celebrating Rodri’s goal ?? pic.twitter.com/PzNJQfsSNz
— Stan (@FutbolStan10i) August 28, 2021