Një ndjekje policore në shumë qarqe u shndërrua në një përplasje 4-orëshe në mes të një autostrade në Ohio përpara se policët të hapnin zjarr ndaj dy të dyshuarve, të cilët më vonë ndërruan jetë në spital.
Pamjet tronditëse treguan disa policë të patrullës së autostradës në Ohio, të cilët ishin veshur me pajisje taktike dhe i afroheshin një kamioni të vogël të vjedhur ndërsa përpiqeshin të lironin shoferin, i cili besohej se ishte mbajtur peng brenda nga një burrë 54-vjeçar dhe gruaja e tij 51-vjeçare.
Njëri nga të dyshuarit filloi të qëllonte nga kamioni dhe shpejt u ndesh me zjarret e policëve që me sa duket goditën të dy të dyshuarit, raporton nypost.
Një ushtarak mund të shihet duke shkarkuar mbi 20 fishekë nga pistoleta ndërsa grupi largohet nga vendi i gjuajtësit.
Kur të shtënat përfunduan, pronari i kamionit u arratis dhe u dërgua në vend të sigurt nga dy efektivë.
Dy të dyshuarit, të cilët raportohen se ishin Ronald dhe Barbara Taylor nga Somerset u transportuan në spitalin e Miami Valley në Dejton, ku të dy vdiqën nga plagët e tyre.
Ndryshe, vrima të shumta plumbash u panë në xhamin e përparmë të kamionit pas incidentit. /Telegrafi/