Shërbyesit gjyqësorë në Maqedoni kanë marrë më pak rrogë si dënim për grevën disamuajshe që e mbajtën para pushimeve verore, transmeton Telegrafi Maqedoni.
Rroga e qershorit është shkurtuar për 40%, ashtu siç parasheh ligji, kurse ajo e korrikut është shkurtuar për 20%, pasi që greva u mbajt deri në mes të muajit.
Megjithatë, sindikata thotë se nuk janë dënuar të gjithë grevistët. Nga 1800 grevistë, vetëm 1500 janë dënuar, që nënkupton se është bërë një ndëshkim selektiv.
Gjithashtu, sindikalistët thonë se vendimet gjyqësore janë të kundërligjshme, duke u dhënë ndëshkim të përgjithshëm, si edhe nuk kanë të drejtë ankese. SPOGJ-i do të inicojë padipenale kundër kryetarëve të gjykatave të cilët i kanë nënshkruar vendimet e tilla, por nuk do të kursehet as drejtori i këshillit të buxhetit gjyqësorë.
Ata janë të vendosur dhe thonë se kësaj çështje do t’i shkojnë deri në fund. Përndryshe, nga muaji maj, administata gjyqësore mbajti grevë, përmes së cilës kërkuan rritje të rrogave dhe barazvlerësim të metodologjisë së kompenzimeve me atë të gjykatësve dhe prokurorve./Telegrafi/