Ndeshja mes New York Knicks dhe Miami Heat u ndërpre për rreth dhjetë minuta pasi aktori dhe humoristi i njohur Tracy Morgan, i ulur në radhën e parë, u sëmur papritur.
Sipas dëshmitarëve, Morgan pati të përziera dhe vjelli në dysheme, ndërsa gjithashtu u raportua për gjakderdhje nga hunda.
Stafi mjekësor ndërhyri menjëherë dhe aktori u nxor nga stadiumi me një karrige me rrota për t’u dërguar në spital, ku mori trajtim të mëtejshëm.
Pas ndeshjes, Josh Hart, një nga lojtarët kyç të Knicks këtë sezon, shprehu mbështetjen e tij për aktorin: “Shpresojmë që gjithçka të jetë në rregull me Tracy Morgan. Ai është një tifoz i zjarrtë i Knicks, ndaj lutemi për shëndetin dhe mirëqenien e tij”.
Ende nuk dihet shkaku i saktë i gjendjes së tij, por Morgan ka pasur probleme të njohura shëndetësore në të kaluarën. Ai ka luftuar me diabetin dhe iu nënshtrua një transplanti të veshkave në vitin 2010.
Hope Tracy Morgan is okay 🙏 pic.twitter.com/ERmc2wPUHI
— NBACentral (@TheDunkCentral) March 18, 2025
Në vitin 2014, aktori u përfshi në një aksident të rëndë automobilistik, i cili i shkaktoi lëndime të rënda të trurit dhe fraktura të shumta.
Ndërkohë, Knicks fituan ndeshjen me rezultat 116:95, me Mikal Bridges që shënoi 28 pikë dhe Josh Hart që regjistroi një triple-double me 12 pikë, 13 kërcime dhe 11 asistime. /Telegrafi/
Tracy Morgan getting wheeled out from courtside at MSG after vomiting and bleeding from his nose.
Hope he is OK. 🙏 (via @realJoshBrownie)
— Hoop Central (@TheHoopCentral) March 18, 2025