Shkëndija sonte zhvillon ndeshje të rëndësishme Evropiane ndërsa mbështetja nuk do të mungojë as nga Tetova, pasi me organizim të Shkëndijës dhe autoriteteve komunale, ndeshja do të mund të ndiqet në mënyrë të ogranizuar në sheshin ‘Iliria’ në Tetovë, njofton Telegrafi Maqedoni
Fitorja me dy gola epërsi në Shkup ndaj Mllada Boleslav, është mjaft pozitive për ekipin tetovarë, që me pak vëmendje, përkushtim dhe vendosmëri, do të arrij që të kalojë në fazën e Play-Off-it për në Europa League.
Ekipi çek është zotuar se do të tentojë përmbysjen e rezultatit, megjithatë pritshmëritë për suksesin e radhës të ekipit ‘kuq e zi’ janë të mëdhaja. Kualifikimi në fazën e grupeve do të jetë suksesi më i madh i arritur ndonjëherë nga Shkëndija.
Telegrafi Maqedoni uron që Shkëndija të vazhdojë me fitore. Ndeshja luhet sonte në ora 19./Telegrafi/