Ndeshja Bologna-Inter që u shty në fillim të këtij muaji do të luhet me vendim të gjyqtarit sportiv.
Ndeshja, e cila ishte planifikuar për në 6 janar, u anulua për shkak të një shpërthimi të rëndë COVID në skuadrën e Bolognas, duke e lënë skuadrën e Nerazzurrëve të vetme në fushën e “Renato Dall’Ara”.
Për shkak të dështimit për t’u paraqitur, Bologna rrezikoi të pësonte një humbje me rezultat 3-0, por kjo nuk do të ndodhë.
Siç u njoftua në një deklaratë nga Lega Serie A, gjyqtari sportiv Gerardo Mastrandrea ka vendosur të mos penalizojë Bolognan për dështimin për të luajtur ndeshjen kundër Interit në fillim të këtij muaji.
Ndeshja do të luhet në një datë të mëvonshme këtë sezon, që do të thotë se Nerazzurrëve nuk do tu jepet fitorja e paracaktuar prej 3-0.
Varianti omicron i COVID shkaktoi anulimin e një numri ndeshjesh në fillim të vitit 2022, me Atalanta-Torino, Salernitana-Venezia dhe Fiorentina-Udinese që të gjitha u anuluan për shkak të shpërthimeve të virusit nëpër skuadra. /Telegrafi/