Një gjykatë në Rusi ka dënuar një burrë me 28 ditë burgim për krijimin e një varreze të rreme të presidentit Vladimir Putin.
Sipas mediave të huaja, përcjell Telegrafi, aktivisti Karim Yamadayev u dënua të martën në qytetin e Naberezhnye Chelny për një shkelje të përsëritur të ligjit për mbajtjen e ngjarjeve publike.
Ai tha se po protestonte kundër një projektligji mbi “internetin sovran të Rusisë”, duke thënë se kjo kërcënonte lirinë e fjalës.
Ndryshe, të mërkurën, Rusia kaloi dy ligje që penalizonin mosrespektimin e autoriteteve dhe përhapjen e lajmeve të rreme.
Чуваку, сделавшему инсталляцию "надгробие Путина" дали 28 суток ареста. Инсталляция, на мой взгляд, совершенно глупая и идиотская, но закон России не предполагает арестов за глупые шутки. Арест этого человека – преступление. Настоящее беззаконие. pic.twitter.com/qo9kEx4BT2
— Alexey Navalny (@navalny) March 12, 2019
Ndalimi i parë i referohet “mosrespektimit të hapur” të shtetit, zyrtarëve të tij dhe shoqërisë ruse, dhe ata që shkelin një ndalesë të tillë përballen me deri në 15 ditë burgim.
Projekt-ligji i dytë ndalon ndarjen e “informacioneve të rreme të interesit publik, të ndara nën maskën e lajmit të rremë”.
Gazetarët, aktivistët për të drejtat e njeriut dhe madje ministrat e qeverisë ruse kanë shprehur kundërshtimin e tyre, ndërsa disa kanë folur për një “Perde të Hekurt” në internet që po ngrihet nga Rusia.
Nën Presidentin Putin shteti rus ka marrë kontrollin e kanaleve kryesore televizive dhe mediave të tjera kryesore, kështu që zërat e opozitës janë kryesisht të kufizuara në mediat sociale. /Telegrafi/