Ndërtesa të pabesueshme: Duket sikur vijnë nga një botë fantastiko-shkencore, por në të vërtetë janë në Tokë
Hakim Kasami
Ato nuk do të dukeshin ndoshta si interesante në një botë fantastiko-shkencore, por këto ndërtesa ekzistojnë në të vërtetë në planetin Tokë.
Sipas medieve të huaja, përcjell Telegrafi, bëhet fjalë për ndërtesat, midis së cilave gjenden edhe një mori ndërtesash të dizenjuara nga arkitekti i njohur Frank Gehry, duke përfshirë qendrën futuristike Lou Ruvo pranë Las Vegas, Shtëpinë e Vallëzimit në Pragë dhe hotelin shumëngjyrësh Marqués De Riscal në Spanjë.
Shikoni poshtë për të zbuluar se “sa i çmendur” mund të jetë një arkitekt…
Ndërtesa Interlace në Singapor është një kompleks me 1000 apartamente që duket si një model i rastësishëm i tullave Jenga. Ajo është projektuar nga firma e arkitekturës OMA, si dhe arkitekti Ole Scheeren, dhe u hap në vitin 2013. Ishte fituesi i çmimit Ndërtesa Botërore e Vitit më 2015.King Power MahaNakhon është një rrokaqiell i çuditshëm në Bangkok – dhe një nga ndërtesat më të larta në Tajlandë. Ka një lartësi prej 78 kate dhe u hap në vitin 2016, me arkitektin Ole Scheeren midis atyre që krijuan modelin.V&A Dundee u hap në shtator të vitit 2018. Është projektuar nga arkitektët e njohur japonezë Kengo Kuma & Associates dhe është ndërtesa e tyre e parë në Mbretërinë e Bashkuar. Muzeu qëndron në brigjet e lumit Tay dhe forma e ndërtesës thuhet se është frymëzuar nga shkëmbinjtë në bregdetin veri-lindor të Skocisë. Një pjesë e ndërtesës del jashtë mbi ujë dhe ka për qëllim të ngjajë me grykën e një varke, duke nderuar historinë e ndërtimit të anijeve të Dundee.Kjo ndërtesë e me pamje të veçantë ndodhet në Colorado Springs dhe u hap në vitin 1962. Është projektuar nga Walter Netsch i Skidmore, Owings dhe Merrill i Çikagos. Ndërtesa është 150 metra e lartë dhe kushtoi 3.5 milionë dollarë për tu ndërtuar. Korniza e të gjithë “kapelës” është ndërtuar nga 100 tetraedrone identike, me peshë pesë tonë secila, përcjell Telegrafi.Kjo ndërtesë e tipit piramidë e rrumbullakët është një strukturë banimi 18-katëshe e vendosur në Kunshan, një qytet afër Shangait. Qëndron në lartësi 330 metra dhe është projektuar nga Zyra Arkitektonike e Masters. Firma me qendër në Shangai tha se ishte frymëzuar nga parkour, një aktivitet urban shumë i dashur nga banorët kinezë të qytetit që sheh njerëz duke vrapuar dhe duke kërcyer midis ndërtesave.Vreshtat Tempranillo rrethojnë hotelin shumëngjyrësh Marqués De Riscal në Elciego, Spanjë, i cili u hap në vitin 2006. Ajo është projektuar nga Frank Gehry dhe pjesa e jashtme e saj me ngjyrë rozë thuhet se i ngjan një fjongo të mbështjellë me një dhuratë. Hoteli ka 43 dhoma dhe suita luksoze. Brendësia është projektuar gjithashtu nga Gehry.Ndërtesa Fondation Louis Vuitton, e projektuar nga Frank Gehry, është një muze arti dhe qendër kulturore në Paris që u hap në tetor të vitit 2014. Dizajni i saj është i frymëzuar nga struktura prej xhami e Grand Palais në Champs Elysees, përcjell Telegrafi.Dr Chau Chak Wing Building, në Sidnei, e cila është pjesë e Universitetit të Teknologjisë Sydney. Projektuar gjithashtu nga Frank Gehry, ndërtesa u krijua duke përdorur tulla të bëra me porosi, me shumë që thonë se duket si një ‘qese letre e shtypur’.Mund të duket si një predhë gjigante, por kjo ndërtesë është në fakt Muzeu Ordos në Mongoli të Brendshme, Kinë. Është projektuar nga firma e arkitekturës MAD dhe strehon koleksione që lidhen me historinë lokale të Ordos dhe zonës përreth. Dizajni u ndikua nga shkretëtira Gobi dhe ndërtesa është e veshur me pllaka metalike të lëmuara që janë rezistente ndaj stuhive të rërës që ndodhin shpesh.Katedralja Metropolitane e Lady Aparecida, e cila njihet gjithashtu si Katedralja e Brasilisë. Është projektuar nga Oscar Niemeyer dhe është katedralja Katolike Romake që shërben në Brazil dhe selinë e Kryepeshkopatës së Brazilisë. Ajo u përfundua më 31 maj 1970.E njohur si shtëpia e Star Wars, kjo shtëpi rezidenciale në Korenë e Jugut u projektua nga arkitekti Moon Hoon. Ajo mori emrin e saj pasi Hoon tha se kati i fundit duket si ‘një vend që mund të jetë një dhomë kontrolli për Darth Vader’.Ndërtesa e IAC në lagjen Chelsea të Manhatanit është ndërtesa e vetme në Nju Jork që projektohet nga Frank Gehry. Ajo u hap në 2007 dhe është selia e medias dhe perandorisë së Internetit të Barry Diller, InterActive Corp, e cila zotëron mbi 150 marka në 100 vende, përcjell Telegrafi.Shtëpia e Vallëzimit në kryeqytetin çek, Pragë shpesh quhet Fred dhe Ginger pas valltarëve të famshëm Fred Astaire dhe Ginger Rogers. Ajo u dizenjua nga Frank Gehry, i cili ishte frymëzuar nga yjet e Hollivudit. Ndërtesa u përfundua në vitin 1996 dhe tani është shtëpia e bankës Nationale Nederlanden.Muzeu i Kulturës Pop në Seattle është sigurisht një ndërtesë e veçantë – bazohet në formën e një ‘kitare elektrike të thyer’. Ajo është projektuar nga Frank Gehry dhe duket e ngjashme me Muzeun e njohur Guggenheim në Bilbao. Qendra Monorail e Seattle, në të djathtë, kalon nëpër ndërtesë.Galaxy Soho është një ndërtesë për blerje dhe zyra në zemër të Pekinit, projektuar nga Zaha Hadid Architects. Ajo u hap në vitin 2012 dhe ka konture të vazhdueshme, që do të thotë se ndërtesa nuk ka cepa. Projekti fitoi një çmim nga Instituti Mbretëror i Arkitektëve Britanikë, por disa në Pekin thonë se ndërtesa ‘shkatërron trashëgiminë e qytetit’.Oculus në Manhatanin e Poshtëm është qendër transporti që shërben në zonën përreth kompleksit të Qendrës Botërore të Tregtisë në Rrethin Financiar. Është projektuar nga Santiago Calatrava . Ajo u hap në vitin 2016, duke zëvendësuar ish-nyjën e transportit që u shkatërrua më 11 Shtator.Qendra Lou Ruvo e Klinikës Cleveland për Shëndetin e Trurit u hap afër Las Vegas në 2010 dhe u projektua nga arkitekti i njohur amerikano-kanadez Frank Gehry. Gehry donte ta bënte ndërtesën të dukej e paharrueshme. Mbi të gjitha, tema e qendrës është ‘mbajtja gjallë e kujtesës’. /Telegrafi/
