Ka ndërruar jetë Xhavit Elshani nga Pirana, i njohur si komandant “Leopardi” i Ushtrisë Çlirimtare të Kosovës.
Lajmin për vdekjen e Elshanit e kanë bërë të ditur miqtë e tij, transmeton Telegrafi.
Për vdekjen e tij, ka reaguar edhe kryetari i Aleancës për Ardhmërinë e Kosovës, Ramush Haradinaj, i cili ka thënë se “Lepoardi i UÇK-së”, do të mbetet përgjithmonë në kujtimin e tij.
“I pikëlluar nga lajmi për ndarjen nga jeta të mikut tim dhe bashkëluftëtarit Xhavit Elshani. Trim e guximtar në Luftën Çlirimtare, veprimtar e atdhetar gjatë tërë jetës së tij, Leopardi i UÇK-së do të mbetet përgjithmonë në kujtimin tonë. Ndajmë dhembjen me familjen dhe bashkëluftëtarët. Xhavit, pusho i qetë”, ka shkruar ai në Facebook. /Telegrafi/
