Sidney Poitier ka vdekur në moshën 94-vjeçare.
Ylli i Hollywoodit ishte i njohur për filmat duke përfshirë “Guess Who’s Coming to Dinner”, “In the Heat of the Night” dhe ”Lilies of the Field”, për të cilat ai u bë njeriu i parë me ngjyrë që fitoi një ‘Oscar’ për ‘aktorin më të mirë’.
Yllit bahamian-amerikan iu dha automatikisht nënshtetësia amerikane pasi lindi në Miami.
Ai u rrit në Bahamas, por u shpërngul në Amerikë kur ishte 15 vjeç dhe shërbeu në Luftën e Dytë Botërore si adoleshent pasi gënjeu për moshën e tij.
Denzel Washington lavdëroi Poitierin kur ai u bë i dyti njeri me ngjyrë që fitoi aktorin më të mirë për filmin e vitit 2001 “Training Day”, duke thënë: “Unë do të të ndjek gjithmonë, Sidney. Unë gjithmonë do të ndjek hapat e tu. Nuk ka asgjë që do të preferoja të bëja”.
Në të njëjtën ceremoni, Poitier mori një çmim ‘Oscar’ për kontributin në kinematografinë amerikane.
Në vitin 1967, Poitier luajti në tre filma që trajtonin çështjen e marrëdhënieve racore: “To Sir, with Love”, “Guess Who’s Coming to Dinner” dhe “In the Heat of the Night”.
Ai ka qenë i përfshirë edhe në filmat e tjerë si: Porgy and Bess (1959), Paris Blues (1961), A Patch of Blue (1965), Sneakers (1992) and The Jackal (1997). /Telegrafi/
