Site icon Telegrafi

Ndërron jetë në moshën 25 vjeçare futbollisti zviceran

Driton Gajraku

Lajm tronditës nga Challenge League e Zvicrës. Elia Alessandrini, ish-lojtari i Young Boys dhe lojtari aktual i Lausanne-Ouchy, ka vdekur.

Ai “u nda nga jeta tragjikisht gjatë pushimeve të tij”, siç konfirmoi të shtunën në mëngjes liga elitare zvicerane.

Alessandrini, i cili luajti për FC Thun, Chiasso dhe SC Kriens në karrierën e tij, tërhoqi vëmendjen në moshën 15-vjeçare kur luante në në Stade de Suisse në një ndeshje përball me Lionel Messin.

“Ai ndoshta mendoi se isha zëvendësues”, kishte thënë Alessandrini në atë kohë duke qeshur. “Në fakt, nuk duhej të më lejonin në fushë. Por, nuk doja të humbisja mundësinë për të takuar Messin”.

Vetëkuptohet që Alessandrini do të kishte parë finalen e Kupës së Botës të dielën. Tronditja e vdekjes së 25-vjeçarit në Zvicër është e madhe. SC Kriens shkruan të premten në mbrëmje: “Ne jemi të tronditur, të habitur dhe të vajtojmë Elia Alessandrinin. Ish-shoku ynë i skuadrës, kapiteni dhe miku ynë deri më sot. Mendimet tona janë me familjen dhe miqtë e tij. U prehsh në paqe i dashur Elija”.

Lausanne-Ouchy gjithashtu raportoi në rrjetet sociale për vdekjen e lojtarit të tyre: “Kapiteni me trup dhe shpirt, familja kuqeblu mban zi për Elia Alessandrinin. Familja humbet një mik, një shok skuadre dhe një model për të gjithë”. /Telegrafi/

Exit mobile version