Mundësi britanik, Lionheart, ka ndërruar jetë në moshë 36 vjeçare. Adrian McCallum (emri i vërtetë i sportistit) ka qenë kampion në fuqi në divizionin ICW.
Për më shumë se një dekadë, ai ka qenë emri dhe shtylla kryesore në skenën e mundjes britanike.
Pas lajmit për vdekjen e tij, ICW ka lëshuar një telegram ngushëllimi dhe një deklaratë për humbjen e tij.
“Me zemër të thyer e kemi marrë lajmin për vdekjen tragjike të kampionit botëror në kategorinë e rëndë në ICW, Adrian ‘Lionheart’ McCallum”.
“Adrian ka qenë shtylla e ICW dhe mundjes profesionale britanike. Më e rëndësishmja, ai ishte miku ynë. Vdekja e tij lë një zbrazëtirë të madhe në jetët e atyre që e kanë njohur”, thuhet mes tjerash në kumtesë. /Telegrafi/