Këngëtari amerikan, Kenny Rogers, ka ndërruar jetë në moshën 81 vjeçare – bën të ditur CNN.
Lajmin për vdekjen e tij e ka konfirmuar familja përmes një njoftimi në faqen zyrtare të kantautorit në profilin e tij në Twitter.
Në njoftim është thënë se legjenda e muzikës ‘country’ ka vdekur nga shkaqe natyrore i rrethuar nga anëtarët e familjes.
The Rogers family is sad to announce that Kenny Rogers passed away last night at 10:25PM at the age of 81. Rogers passed away peacefully at home from natural causes under the care of hospice and surrounded by his family. https://t.co/adxAgiMW2s pic.twitter.com/nggWiiotMT
— Kenny Rogers (@_KennyRogers) March 21, 2020
“Kenny Rogers ka lënë gjurmë të pashlyeshme në historinë e muzikës amerikane. Këngët e tij i kanë mahnitur dashamirët e muzikës dhe kanë prekur miliona njerëz në gjithë botën”, thuhet në deklaratën e Keith Hagan.
Në vitin 2013, Rogers hyri në Shtëpinë e të Famshmëve të muzikës ‘country’ duke u vlerësuar në veçanti për zërin e tij karakteristik. /Telegrafi/