Ka ndërruar jetë në moshën 94-vjeçare kompozitori Burt Bacharach.
Bacharach vdiq të mërkurën në shtëpinë e tij në Los Angeles, tha të enjten zëdhënësja e tij, Tina Brausam.
Fituesi i ‘Oscar’-it ishte i njohur për këngë të tilla ti “Walk on By”, “Do You Know the Way to San Jose” dhe shumë të tjera.
Burt triumfoi në forma të shumta arti.
Ai ishte një fitues i shumëfishtë i ‘Grammy’, një kompozitor fitues i çmimeve në ‘Broadway’ për “Promises, Promises” dhe një fitues i ‘Oscar’.
I njëjti mori dy çmime ’Oscar’ në vitin 1970, për këngën “Butch Cassidy and the Sundance Kid” dhe për këngën “Raindrops Keep Fallin’ on My Head”.
Në vitin 1982, ai dhe gruaja e tij e atëhershme, tekstshkruesja Carole Bayer Sager, fituan ‘Oscar’ për “Best That You Can Do”.
Kolona të tjera zanore të filmit të tij përfshinin “What’s New, Pussycat?”, “Alfie” dhe “Casino Royale”.
Kompozitori shkroi këngë për shumë muzikantë, duke përfshirë Dionne Warwick, Aretha Franklin, Dusty Springfield, Tom Jones dhe Elvis Presley. /Telegrafi/