Ikona e muzikës franceze, Christophe, ka ndërruar jetë në moshën 74 vjeçare, pasi humbi betejën me sëmundjen e mushkërive.
Fillimisht ai ishte dërguar më 26 mars të këtij viti në një spital në Paris të Francës, me kalimin e kohës u transferua në qytetin e Brest, shkruan Mirror.
Këngëtari vuante nga emfizema, ndërsa lajmin për vdekjen e ka dhënë familja e tij që shprehu dhimbjen për humbjen e personit më të afërt të tyre.
“Christophe u largua. Me gjithë përkushtimin e pafund të ekipeve mjekësore, forcat e tij e braktisën atë. Sot, fjalët nuk kanë kuptim…”, thuhet mes tjerash në njoftim.
Gazeta lokale franceze Le Parisien raportoi se këngëtari kishte testuar pozitive për coronavirus pasi shkoi në spital me 29 mars. Ende nuk është konfirmuar apo mohuar nga përfaqësuesi i tij nëse ylli e kishte kontraktuar virusin vdekjeprurës.
Familja e tij nuk bëri asnjë referencë për virusin në deklaratë, vetëm pohuan se këngëtari kishte vdekur pasi humbi betejën e tij ndaj një sëmundje të frymëmarrjes.
74-vjeçari arriti famën e tij në vitet e gjashtëdhjeta përmes baladës “Aline”, ndërsa albumi i tij i fundit “Les Vestiges du Chaos” u realizua në vitin 2016. /Telegrafi/
