Këngëtari legjendar, Tony Bennett, i njohur për zërin e tij të qetë, vdiq të premten (21 korrik).
Ai ka ndërruar jetë në moshën 96 vjeçare.
Bennett vdiq në qytetin e tij të lindjes në New York, vetëm dy javë para ditëlindjes së tij, konfirmoi zëdhënësja e tij, Sylvia Weiner për Page Six.
Ajo shtoi se nuk kishte ndonjë shkak specifik të vdekjes.
Këngëtari i “I Left My Heart in San Francisco” ishte diagnostikuar me sëmundjen e Alzheimerit në vitin 2016.
“Ka shumë gjëra rreth tij që më mungojnë”, tha gruaja e tij, Susan Benedetto, për Revistën AARP në vitin 2021, gjersa ndante publikisht lajmin rreth shëndetit të tij.
Ndër adhuruesit e tij të shumtë ishte Lady Gaga, e cila publikoi dy albume me ikonën muzikore: “Cheek to Cheek” në vitin 2014 dhe “Love for Sale” të 2021-ës.
Gaga ishte në krah të Bennett gjatë performancave të tij të fundit në Radio City Music Hall në gusht 2021.
Më pas ai u tërhoq nga performancat pasi kishte probleme shëndetësore.
Gjatë karrierës së tij prej dekadash, Bennett publikoi më shumë se 70 albume, shiti më shumë se 50 milionë disqe në mbarë botën dhe fitoi 20 Grammy dhe dy Emmy.
Ai gjithashtu theu Rekordin Botëror Guinness si personi më i vjetër që publikoi një album, në moshën 95 vjeçare.
I njeri ishte i njohur për shumë hite, duke përfshirë: “I Left My Heart in San Francisco”, “Fly Me to the Moon” dhe “Steppin’ Out With My Baby” dhe në duet me Gagan si “Love for Sale” dhe “Anything Goes”. /Telegrafi/
