Ginnie Newhart, gruaja e komedianit Bob Newhart, ka vdekur pas një beteje të gjatë me një sëmundje të panjohur.
Ajo ndërroi jetë në moshën 82-vjeçare.
Jerry Digney konfirmoi lajmin për People të hënën, duke thënë se ajo “u nda nga jeta të dielën më 23 prill, pas një sëmundjeje të gjatë”.
Aktori i “Elf”, 93-vjeçar, gjithashtu ndau lajmin tragjik në Twitter, duke shtuar: “Ajo ishte shkëmbi ynë dhe na mungon tmerrësisht”.
Çifti i famshëm u martuan në vitin 1963 dhe jetuan bashkë për disa dekada.
Në vitin 2019, Bob zbuloi sekretin e martesës së tyre prej dekadash duke thënë: ‘e qeshura’.
“Mendoj se e qeshura është jetike. Është po aq jetike sa frymëmarrja. Të kalon nëpër zona të vështira”, tha ai për The Day atë vit.
“E qeshura është një nga tingujt më të bukur në botë. Është si muzika, e një lloji”.
Dyshja kanë fëmijët: Robert Jr., Timothy, Courtney dhe Jennifer, si dhe 10 nipër e mbesa. /Telegrafi/
