Aktori shumëvjeçar i teatrit dhe ekranit, Earle Hyman, ka ndërruar jetë në moshë 91 vjeçare.
Ai është më së shumti i njohur për rolin e babait të Bill Cosbyt në serialin “The Cosby Show”.
Hyman ka vdekur në objektin e ‘Lillian Booth Actors Home’ në New Jersey.
Në “The Cosby Show”, ai ka aktruar gjatë viteve 1984-1992, në rolin e Russell Huxtable.
Earle Hyman brought love, dignity and integrity to Grandpa Huxtable. Thank you, Earle, you will live forever.
— Bill Cosby (@BillCosby) November 20, 2017
“Earle Hyman i ka dhuruar dashuri, dinjitet dhe integritet gjyshit Huxtable. Faleminderit Earle, do të jetosh përgjithmonë”, ka shkruar Bill Cosby në Twitter.
Për rolin e tij në serialin komik, Hyman ka qenë i nominuar edhe për çmimin Emmy.
Karriera teatrale e Hyman ka zgjatur me dekada.
Në teatër ishte dashuruar që si i ri, ndërsa ka performuar në disa shfaqje të Shakespeare.
Në vitin 1980 ishte nominuar për çmimin Tony, për rolin e tij në shfaqjen “The Lady from Dubuque”. /Telegrafi/