Kryetari i PDK-së, Kadri Veseli, ka ngushëlluar familjen e aktivistit të kësaj partie, Isa Breznica, i cili ka ndërruar jetë.
Veseli në një postim në llogarinë e tij në Facebook ka shkruar se aktivistin do ta kujtojnë me respekt e mirënjohje për kontributin e tij të dalluar për PDK-në.
“Me dhimbje mora lajmin për ndarjen nga jeta të Isa Breznicës, atdhetarit të dalluar, aktivistit të përkushtuar dhe anëtarit të Kryesisë në Degën e PDK-së në Fushë Kosovë. Do ta kujtojmë gjithmonë me respekt e mirënjohje për kontributin e tij të dalluar qytetar për PDK-në dhe vendin. Ngushëllime familjes, miqve dhe gjithë atyre që patën mundësinë dhe nderin ta njohin Isën”, ka shkruar Veseli./Telegrafi/
