66 vjeçari nga Strumica, i paraburgosur në burgun e Shkupit ka ndërruar jetë mbrëmë në rrugë për në spital, përcjell Telegrafi Maqedoni.
Siç njoftojnë nga MPB-ja, R.A (1951) të paraburgosurit në burgun e Shkupit, i është keqësuar gjendja shëndetësore, nga ana e mjekut të burgut i është dhënë ndihma e parë dhe pas kësaj me ndihmën e shpejtë është dërguar në spitalin “8 Shtatori”, ndërsa gjatë rrugës ka ndërruar jetë. Vdekjen e ka konstatuar mjeku i ndihmës së shpejtë.
Me urdhër të Prokurorisë Publike trupi do të dorëzohet për obduksion./Telegrafi/