Ka ndërruar jetë pacienti që ishte në gjendjen më të rëndë me sëmundjen fibrozë cistike, Bllagojçe Ilievski. Këtë lajm për “Faktor” e ka konfirmuar Shoqata për fibrozë cistike.
Ilievski më herët në një intervistë kishte deklaruar se shpreson që do të jetë në mesin e tetë pacientëve të parë që do ta merr ilaçin kundër kësaj sëmundje të rrallë.
“Besoj se jam në atë grup prej tetë pacientësh që janë në gjendjen më të rëndë shëndetësore dhe do të ishim të parët që do ta merrnim, por arsyetimi se procedura do të zgjasë deri sa të bëhet prokurimi, disi na dekurajoi. Që nga hera e fundit që folëm, që ishte në fund të nëntorit, u shtrova sërish në spital. Edhe 12 ditë në Klinikën e Pulmologjisë pastrojnë mushkëritë deri në sekrecione, por më besoni nuk po më përmirësohet gjendja dhe tani më dëgjoni mezi po marr frymë. Më mbetet vetëm të shpresoj se do ta marrë terapinë me “Trikaftën”, këto ishin fjalët e fundit të Ilievskit.
Ndryshe, ministri i Shëndetësisë Bekim Sali, ditë më parë deklaroi se ilaçi “Trikafta” do të sigurohet fillimisht për 8 pacientë me fibrozë cistike, të cilët janë në gjendje të rëndë shëndetësore.
Ministri Sali nuk potencoi se kur saktë mund të arrijë ilaçi por tha se ata do të bëjnë ç’mos që ilaçi të vijë sa më parë./Telegrafi/