Nesër, më datë 30 qershor 2014, në ora 11 në TKK mbahet akademi përkujtimore për Myftarin. Ndërsa, varrimi i të ndjerit bëhet në varrezat e Prishtinës më 30 qershor ora 13:00.
Myftari u lind me 10 korrik 1948 në Vushtrri. Shkollën fillore dhe gjimnazin i kreu në vendlindje. Në vitin 1969 ishte një ndër diplomantët e parë të shkollës së lartë për aktrim në Prishtinë.
Në po të njëjtin vit u punësua si aktor në Teatrin Popullor të Prishtinës. Më 1980 diplomoi në Fakultetin e Letërsisë dhe Gjuhës Shqipe. Që nga viti 1981 deri në vitin 1989, Myftari ishte drejtor i Teatrit Popullor të Kosovës.
Ai bën pjesë në mesin e aktorëve të njohur që kanë dhënë një kontribut të madh në zhvillimin e artit kinematografik. /Telegrafi/