Gjykata Penale në Shkup përafërsisht para dhjetë ditëve i ka ndërprerë arrestin shtëpiak ish-ministrit të Transportit dhe Lidhjeve, Mile Janakieski në lëndën e PSP-së, “Titanik”, i cili rast ka të bëjë me parregullsitë zgjedhore.
Pala mbrojtëse e Jankaieskit ka theksuar se ndërprerja e arrestit shtëpiak vjen si rrjedhojë se nuk munden të jenë aktiv dy arreste shtëpiake njëkohësisht.
Megjithatë, Janakieski do të vazhdojë të qëndrojë në arrest shtëpiak, pasi dyshohet si organizator i ngjarjeve të dhunshme në Kuvend më 27 prill të vitit 2017. I njëjti sot para gjyqit ka sqaruar se cilat masa për cilët lëndë janë aktive.
Përveç këtyre rasteve, ish-ministri i Transportit dhe Lidhjeve dyshohet edhe në disa lëndë tjera të Prokurorisë Speciale./Telegrafi/