Dje në orën 18:30 në vendkalimin kufitarë “Bllacë”, punonjësit e policisë i kanë ndaluar 20-vjeçarin M.E. nga Republika e Shqipërisë, njoftoi Ministria e Brendshme.
“Gjatë kontrollit kufitar, është konstatuar se automjeti “Audi A8” me targa angleze, të cilin ai e drejtonte, ishte i regjistruar në Departamentin për Bashkëpunim Ndërkombëtar Policor – Interpol si i vjedhur”, njoftojnë nga MPB.
Personi dhe automjeti i janë dorëzuar punonjësve të policisë nga DPB Çair për veprime të mëtejshme./Telegrafi/