Partia “E majta” është kundër urbanizimit të lumit Vardar. Nga kjo parti thonë se do të luftojnë për kthimin e pamjes së parë dhe normale të lumit Vardar dhe për këtë arsye ata janë kundër ndërtimit të rrotës panoramike. Projekti i ashtuquajtur Shkupi 2014 shkaktoi mbushjen e xhepave të disa pushtetarëve dhe injorimin e problemit kryesor në Maqedoni, varfërimin e qytetarëve. Krahas, kësaj ky projekt e shëmtoi Shkupin dhe ishte faktor i përkeqësimit të marrëdhënieve ndëretnike. Projekti vazhdoi edhe pas vitit 2014 dhe duhet që përfundimisht të ndërpritet, thonë nga kjo parti.
“Ata që dinë greqisht, e dinë se fjala panoramë do të thotë “pamje e bukur”. Pamje të bukur të Shkupit ka nga Vodnoja, nga Muzeu i artit modern, nga kalaja. Kështu që neve nuk na nevojitet ndonjë projekt i çuditshëm për të cilin do të shpenzonin miliona euro, të quajtur “rrotë panoramike”, u shpreh Aleksandar Mitrov, Kandidat për Kryetar të K. Qendër.