Forcat policore spanjolle e ndaluan në mënyrë dramatike një burrë gjysmë të zhveshur, që ishte armatosur me dy shpata samurajësh, ndërsa pretendonte se është i sëmurë me coronavirus dhe është nisur të kryente vrasje masive në atë zonë të Madridit të Spanjës.
Pasi që refuzonte të dorëzohej, atë e bllokuan në mes të dy makinave policore, por ai theu njërin xham dhe arriti të largohej prej aty, transmeton Telegrafi.
Mësohet se policia ishte njoftuar nga zyrtarët spitalorë, se është larguar një pacient që besohet se është i sëmurë me coronavirus, megjithëse i ishte kërkuar që të qëndronte për të marrë trajtimin e duhur.
“Atë e kanë dërguar në mbajtje dhe akuzohet për mos respektimin e rregullave të bllokadës dhe kërcënim”, thuhet lidhur me ndalimin e tij, ndërsa ai pritet të dërgohet në arrest.
Shumë vetura që ishin të parkuara në atë rrugë, pësuan dëmtime nga goditjet me shpata, ndërsa policia hodhi dy plumba në ajër para se ta rrëzonte për ta prangosur. /Telegrafi/
