Ylli i ndjerë i muzikës pop, George Michael, në testamentin e tij nuk i ka lanë asgjë të dashurit Fadi Fawaz.
Siç transmeton The Sun, pasuria e këngëtarit ka shkuar për bamirësi, pastaj për motrën e tij dhe personelin që ka punuar për të.
Andros Georgious is giving an update on the will and the heritage of George Michael, any beneficiary has been contacted now https://t.co/q5DsIabWvw
— eva kolakovski (@kola2005) July 29, 2018
Ai i ka lënë pasuri ish-të dashurit tjetër, Kenny Gossom, por jo edhe Fawazit.
Kushëriri i Michael, Andros Georgiou, ka thënë se një pjesë e pasurisë së patundshme ka shkuar edhe për kushërinjtë e këngëtarit.
Andros, i cili është rritur bashkë me George, ka thënë se pjesa më e madhe i milionave do të shkojnë për bamirësi dhe për motrat e yllit të muzikës, Yioda dhe Melania.
George Michael ka ndërruar jetë më 25 dhjetor të vitit 2016 në shtëpinë e tij në Goring-on-Thames, në moshë 53-vjeçare.
Pikërisht, Fadi Fawaz ishte personi që e gjeti të vdekur, të shtrirë në krevat. Është thënë se shakku i vdekjes ishte pamjaftueshmëria e zemrës.
Mirëpo, që nga vdekja e tij, ka pasur thashetheme nga më të ndryshmet. Madje është thënë se Michael ka bërë vetëvrasje. /Telegrafi/