Ish-lojtari i Liverpoolit, i cili ishte më i riu që luajti me klubin, fatkeqësisht ka ndërruar jetë.
Max Thompson ka vdekur në moshën 66-vjeçare duke lënë botën e futbollit të pikëlluar.
Mbrojtësi i lindur në Liverpool iu bashkua skuadrës vetëm në moshën 17-vjeçare, ku mbajti rekordin për lojtarin më të ri deri në vitin 2010.
Vdekja e tij u konfirmua nga Liverpooli, që lëshuan një komunikatë.
“Liverpool FC është thellësisht i pikëlluar për vdekjen e ish-lojtarit Max Thompson. Thompson, dikur lojtari më i ri i të kuqve, fatkeqësisht ka ndërruar jetë në moshën 66-vjeçare”.
“Mbrojtësi i lindur në Liverpool iu bashkua klubit si i ri përpara se të shpërblehej me një kontratë profesionale”.
“Në moshën 17 vjeç e 129 ditë, Thompson iu dorëzua debutimi i tij për skuadrën e parë të Bill Shankly me një fillim në ndeshjen e fundit të sezonit 1973-74, një barazim 1-1 jashtë Tottenham Hotspur”.
We are deeply saddened by the passing of former player Max Thompson.
The thoughts of everyone at the club are with Max's family and friends at this difficult time.
— Liverpool FC (@LFC) June 27, 2023
“Ky rekord klubi do të qëndronte deri në maj të vitit 2010, kur Jack Robinson u shfaq si 16-vjeçar në një ndeshje në Ligën Premier me Hull City”, thuhej më tej në njoftimin e tyre.
Thompson vazhdoi të luante për Blackpool në shkurt 1978 përpara se të përfaqësonte klube të tjera – duke përfshirë Swansea City, Bournemouth dhe ekipe në SHBA, Portugali dhe Suedi.
Pasi vuajti nga lëndimet e lidhura me futbollin, Thompson u kthye në Liverpool në vitet 1990 si fizioterapist. /Telegrafi/